الفيديو والكلمات - موال يا قايل الاه - عبدة الاسكندارنى

 ياقايل الأه هى الأه كام معنى.. 

الأه تلاته اربعه ولكل أه معنى.. 

فى أه تريح التعبان.. 

وأه بتوجعنا.. 

وأه بتشفى العليل.. 

وأه تلوعنا.. 

مش كل أه تنحكى.. 

ولا كل أه تنقال.. 

فى أه بتكون خفيفه.. 

وأه تهد جبال.. 

وأه ممكن نداريها.. 

وأه مستحيل تنشال.. 

وأه نقدر نعيش بيها.. 

وأه توجع اشد رجال..

وأه فى طريقنا نلاقيها.. 

وأه تجينا م الاندال.. 

وأه بتقتل الفرحه.. 

وأه عايزه صبر جمال.. 

ودايما كل أه جرحه.. 

بتيجى لكل ابن حلال.. 

ربي يزيح عنا وعنكم الهموم 

ولو كانت بثقل الجبال

ولكل اه معنى

احنا ولاد الغرام والاة بتجمعنا

بنقولها فى الغربة لما البعد يوجعنا

ونقولها فى الفرقة لما الحبيب يودعنا

ونقولها فى الصبر لما الشوق يلسعنا

ونقولنا فى الليل لما البدر يسمعنا

 

Share: