قالوا زمان دنيا دنية غرورة
وقلنا واللي تغره يخسر مصيره
قالوا الشيطان قادر وله ألف صورة
قلنا ما يقدر ع اللي خيره لغيره
***
إيه معنى دنيتنا وغاية حياتنا
إذا بعنا فطرتنا البريئة الرقيقة
إزاي نبص لروحنا جوا مراياتنا
إذا احنا عشنا هربانين من الحقيقة
***
المال تجيبه الريح وتاخذه الهوايل
أما البنون يوم الحساب بيفوتونا
مال إيه ده لو كان مال قارون كله زايل
ولا غير عمايل الخير يا هوه ينجدونا
***
ومين نكون إن بعنا يومنا وماضينا
وليه نعيش إذا كانش بكرة يراضينا
وازاي ننام من غير ما نحلم ببكرة
وبكرة ده منين ييجي إلا بإيدينا
مدونة اخبارية تهتم بالتوثيق لثورة 25 يناير.الحقيقة.مازلت اسعى لنقلها كاملة بلا نقصان .اخطئ لكنى منحاز لها .لايعنينى سلفى ولا مسلم ولا اخوان يعنينى الانسان، 
ليست هناك تعليقات:
إرسال تعليق