مداح جمال
الحبيب ياليل
أنا مداح
شايل مزاميري
وماشي ف دروب
الهوا سواح
بلضم حروف النغم
وارسم معانيها
واحكيها للى ملك قلبى
وأغنيها
نزلت سوق الصحاب
وقلت اخد لى حبيب
يواسنى وقت الشدايد
ويكون لقلبى طبيب
ومشيتة بالمعروف
وقلبى داب فى هواة
جرحنى فى جرحى القديم
خلانى قلت الاة
معرفشى لية بختنا
مع الاحباب بيخيب
جرحنى فى جرحى القديم
خلانى قلت الاة
معرفشى لية بختنا
مع الاحباب بيخيب
جوز الام بيقولوا لة
ياعمى وانا قلت لة يابا
وفى اى مجال يسألونى بقول علية بابا
مدام ستر امى اتباهى بية فى المجالس
واتاريه برئ منى
ابكى ياعين بالقوى
على اللى مالوش بابا
عجبى عليك يا زمن
يا ابو الف حال قلاب
الضحكة فيك بالتمن
وكل شئ بحساب
طبعك عجيب يازمن
يا مفرق الاحباب
اللى تصافية تخدعة
واللى تجافية يتعب
ومهما قلنا انعدل
الطبع فيك غلاب
ياعينى مالك
بصاصة شمال ويمين
وبتنظرى لدة و لدة
وبتعشقى الحلوين
ياعين كفياكى معاصى
كفياكى ذنوب
دة القلب طيب
ونفسة عن المعاصى يتوب
وان كنتى غاوية
الجمال للقبر طلى ياعينى
مدونة اخبارية تهتم بالتوثيق لثورة 25 يناير.الحقيقة.مازلت اسعى لنقلها كاملة بلا نقصان .اخطئ لكنى منحاز لها .لايعنينى سلفى ولا مسلم ولا اخوان يعنينى الانسان، 
ليست هناك تعليقات:
إرسال تعليق