111
انا لو شكيت الى بيا
للجبل كان مال
البين عملنى جمل
واندار عملنى جمال
مسك كتافى بايدة
وشيلنى تقيل لحمال
من الشرق للغرب
لفتها يمين وشمال
انا من مدينى لبلد
عدتها بحور وجبال
ودست حافى
على القدم
على الشوك
ودست المال
وقرشت ملح الشقا
وصبرت صبر جمال
وشربت دمع العيون
وعملت يوم صهبجى
وعملت يوم شيال
وخدمت عند العويل
وخدمت عن العال
ولما طال بى المطال
والحمل منى مال
سمعت طير فى السما
نادى عليا وقال
عشان يهون العسير
وتعيش بكل كمال
فى غربتك ياغريب
خلى الادب
راس مال
يا مقسمين البخوت
شفوا بختى انا فين
وهاتوة
مليت وعقلى شرد منى
خلاص وح اتوهة
واشمعنى بختى انا يتوهه
حظى ونصيبى كدا
ومدام زمان العبر
فية الاصول بتتوهة
كتبوا الحظوظ
وانا نسيونى
والحبر من
دمع عيونى
انا شلت هم الناس
والناس ماجوش
فى احزانى واسونى
حزين يا قلبى ومتكدر
بتقدر اللى ما يتقدر
صعبان عليا
سنين عمرى
وهى منى بتتودر
وزمانى ورانى مأسى
خلانى من الفكر بقاسى
لفيت على سوق الابخات
مالقتيشى ولا بخت مقاسى
اشكى الهموم للناس ولا
الشكوى للعبد مزلة
جانينى وزرعت الصبار
والصبر خد منى ما خلى
وامر من الصبر ياغالى
ذل السؤال والايد خالى
الكل غرقان فى همومة
واللى مدارية بس همومة
دا لو لقيت عمر يكفى
لاطحن الصخر بكفى
فتحت عينى على الدنيا
وانا بجرى فيها ومتكفى
جمل وحمل عليا تقيل
انا قلت اة الحمل يميل
انا لا ح اكوى
بالصبر جروحى
وادوب الدمع
فى مواويل
مدونة اخبارية تهتم بالتوثيق لثورة 25 يناير.الحقيقة.مازلت اسعى لنقلها كاملة بلا نقصان .اخطئ لكنى منحاز لها .لايعنينى سلفى ولا مسلم ولا اخوان يعنينى الانسان، 
ليست هناك تعليقات:
إرسال تعليق