قالوا علينا ديابه
واحنا يا ناس غلابه
يا مغنواتي غني .. حكايتنا ع الربابه
ده لكل ديب حكايه .. ليها عبره و ايه
لا تشوفها في القرايه .. و لا عرفتها الكتابه
هما اللي بيظلمونا
هما اللي بيتهمونا
و قال يخافوا منا
و هما اللي خوفونا
شبعان من الاسيه
الدم يبقي ميه
ضاق الجبل عليا
ضاق الجبل عليا
انا ديب و لا ضحيه
ما ترد عليا يابا
قالوا علينا ديابه
و احنا يا ناس غلابه
يا مغنواتي غني
حكايتنا ع الربابه
هما اللي عذبوني
هما اللي شردوني
و كل ما الاقي روحي
عن روحي يغربوني
انا في الغربه ساكن
و الجرح في قلبي ماكن
ضاقت بيا الاماكن
حقي ضايع و لكن
بكره يرجعلي يابا
قالوا علينا ديابه
و احنا يا ناس غلابه
يا مغنواتي غني
حكايتنا ع الربابه
علي الحجار - أسافر في الصباح
أسافر في الصباح
وأسافر في الغروب
هربان من الجراح
ولا من الهروب
غريب شايف البراح
أضيق من الدروب
ضاقت بيا الفلا ــــوضاق
بيا الخلا
مين خلا العين حزينة
وجرّح القلوب؟!
يا بحر النيل ياباكي واسيني فى الطريق
جريح عطشان وإنتا قاسي ما تبل ريق !
ياريت تاخدني في حضنك
يا ريتني فيك غريق
أسافر في الصباح
وأسافر في الغروب
هربان من الجراح
ولا من الهروب
خدني من غير رجوع
باكي نسي
الدموع
من خلا العين حزينة
وجرّح القلوب
؟!
وارجع صالحني تاني
نسيني اللي جرالي
في العمر الاولاني
وخاصمني يا زماني
وارجع صالحني تاني
يا زمان حنون وغادر
انا مين ماتشوفني تاني
الواد ابو ضحكه تطلع
م الجلب الاخضراني
واللي زرع في صوته
فدان ورد واغاني
مال دبلت ورودي
وكاس همك سجاني
وانت مزمزم جيودي
وكرباجك كواني
وخاصمني يا زماني
وارجع صالحني تاني
نسيني اللي جرالي
في العمر الاولاني
وخاصمني يا زماني
وارجع صالحني تاني
يا زمان ساعه مابضحك
دمعي يملي حفاني
والدنيا تضيج عليا
ويكرهني مكاني
مين يا زمان يطير بي
بعيد عن المباني
ومن الجبل يخدني
يفلتني في المواني
اروح بلاد بعيدة
ولامن شاف او رأني
وخاصمني يا زماني
وارجع صالحني تاني
نسيني اللي جرالي
في العمر الاولاني
وخاصمني يا زماني
وارجع صالحني تاني
مدونة اخبارية تهتم بالتوثيق لثورة 25 يناير.الحقيقة.مازلت اسعى لنقلها كاملة بلا نقصان .اخطئ لكنى منحاز لها .لايعنينى سلفى ولا مسلم ولا اخوان يعنينى الانسان، 
ليست هناك تعليقات:
إرسال تعليق