برواز قديم ومتلصم
والعمر بيجري ويخصم
جروح بتلم وتبصم
تسيب جوا القلوب علامات
الحزن بقلبي متوصي
ومش كسبان ومش مرضي
الدمع في عيني بيخطي
يودعهم بدون سلامات
على العشره وع الأيام
معادش يفيد ما بينا كلام
(ما بينا كلام)
يومين بالكثير وانساك
أنا سايبك ومش ندمان
وعلى العشره وع الأيام
معادش يفيد مبينا كلام
ويومين بالكثير وانساك
أنا سايبك ومش ندمان
وجه اليوم إللي اشوفك فيه
واقف مكسور بتندهلي
وشايل روحي على كفي
ولو حنيت هبيع قلبي وعادي
كله بيعدي البعد بينسي
هكون مرتاح وأنا لوحدي
وقولي إيه أفتكرك بيه
غير دمع عيني إللي يبكي
مسيبتش ليا أي طريق
غير المركب إللي تودي
والباب يفوت جمل
كل إللي ليك إتعمل ميطمرش
والعشق مش بالأجل
كان فيه حنين واتقتل ميرجعش
هتشوف الفرق من بعدي
وأكيد هتجيلي من تاني
إمشي وياريت ماترجعش
قاطع إيدي إللي وجعاني
كنت ألوم لجل تسمعني
اقوم و دموعي على خدي
وبقيت مضطر دلوقتي
أموت ولا أقولها وحشاني
على العشره وع الأيام
معادش يفيد ما بينا كلام
ويومين بالكثير وانساك
أنا سايبك ومش ندمان
مدونة اخبارية تهتم بالتوثيق لثورة 25 يناير.الحقيقة.مازلت اسعى لنقلها كاملة بلا نقصان .اخطئ لكنى منحاز لها .لايعنينى سلفى ولا مسلم ولا اخوان يعنينى الانسان، 
ليست هناك تعليقات:
إرسال تعليق