يطول ليلي واتوه واحتار
ما بين حبي وحرماني
وليل حبي ما لوهش نهار
ما ليش غيره حبيب تاني
واقول يا دمعي طفّي النار
يزوّد هو اشجاني
ولما يطول عذابي
اقول كفاية يعيش في وجداني
***
كفاية اعيش على ذكراه
واصبّر على البعاد قلبي
عينيّ كل يوم شايفاه
وطيفه في المنام جنبي
وروحي عايشة في دنياه
ومش ممكن يروح حبي
لاخر عمري مش حَ انساه
ولو كان حتى ينساني
***
امل ضايع مع المجهول
وعايش فيه مع الاوهام
واكذّب ظني وارجع اقول
حا يتحقق مع الايام
اشوف الصبر شرحه يطول
وألاقي النوم عليّ حرام
اعيش في دنيتي لوحدي
ما بين حبي وحرماني
مدونة اخبارية تهتم بالتوثيق لثورة 25 يناير.الحقيقة.مازلت اسعى لنقلها كاملة بلا نقصان .اخطئ لكنى منحاز لها .لايعنينى سلفى ولا مسلم ولا اخوان يعنينى الانسان، 
ليست هناك تعليقات:
إرسال تعليق