رمضان رمضان رمضان … هل هلاله ظهر وبان
فكرنى بحاجات وذكريات .. بيعدى عمرى وليها فى قلبى مكان
رمضان رمضان رمضان … هل هلاله ظهر وبان
جت على بالى ابتسامة الشعراوى .. قبل المغرب وهو بيفسر القرآن
صوت المنشاوى قرايه الطبلاوى .. والشيخ محمد رفعت وحلاوة الآذان
والجامع اللى جنب بيتنا وهو .. مليان بناس كتيرة برة وجوا
ولمت العيلة وعيلة العيلة .. وسحورنا مع بعض كل ليلة
طعم البلح والتمر هندى والكنافة .. خير وبركة أيام جميلة
رمضان رمضان رمضان … هل هلاله ظهر وبان
فكرنى بحاجات وذكريات .. بيعدى عمرى وليها فى قلبى مكان
جات على بالى صلاة الفجر حاضر .. وصوت النقشبندى والتواشيح
سبحة أبويا طرحة أمى .. ودموعنا فى صلاة التراويح
وحاجات لا يمكن تتنسى بأمانة .. عبد المطلب ورمضان جانا
قعدتنا فى الحسين للفجرية .. لعب الكورة فى الدورة الرمضانية
ندا المسحراتى فوانيس إخواتى .. خير وبركة أيام هنية
رمضان رمضان رمضان … هل هلاله ظهر وبان
فكرنى بحاجات وذكريات .. بيعدى عمرى وليها فى قلبى مكان
ميوزك MP3
مدونة اخبارية تهتم بالتوثيق لثورة 25 يناير.الحقيقة.مازلت اسعى لنقلها كاملة بلا نقصان .اخطئ لكنى منحاز لها .لايعنينى سلفى ولا مسلم ولا اخوان يعنينى الانسان، 
ليست هناك تعليقات:
إرسال تعليق