سّيَر ابن ادم عجب
فيها البشر ألوان
ما بين خسيس وعزيز
دُوّل دون ودول فرسان
وسيف هلالي يلالي
منصور فكل ميدان
إسمع حكاوي دهب
دا سوق الدهب غالي
محسبكوا انا راوي
مين الي قال عطشان
كان كَفر من ضمن الكفور
متحامي فيه شيخ الغفر
ف البندقيه وكام نفر
فاكر هيفلت م الدعا
ولا هيهرب م القدر
كان كفر من ضمن الكفور
مفهوش غير عبد الغفور
لساه بيعزق أرض بور
وبصوته يزعق ع الوابور
أنا مش هفوت الأرض دي
لو حتى ظالم أهلها
ومعبي من نار ظلمها للضلمه نور
والشيخ إمام الزاويه فين ؟؟
قال إستقيموا وإستووا
والصف أعوج من عاميين
يوم ما انقتل اخو عبغفور
راح يشتكيهم للحسين
قفطانه كان متعاص شقا ومن دم اخوه
أفتوه بأن ملوش صلاه وقالوا اطردوه
الدم لازم يتغَسل علشان تقابل ربنا
طب والي قابله قبلنا وغرقان ف دمه ؟؟
وعاص نزيفه بالمعاصي
ايد الي قتله وطرحت امه
يا كفرنا ما لَك صَلاه
دايما تخاف المقصله
وتنادي حي على الرغيف
وتبكي بحرقه ع الوطن
والوطن نص الايمان
بس شعبه الي كفر
بين الي سلم والي خان
واللي باعه لشيخ غفر
غناء: محمد عباس
كلمات : سامح خيري
ألحان : صهيب شكري
توزيع : أحمد هارون
ليست هناك تعليقات:
إرسال تعليق