جرح مر ولاد الحلال عصى ابوة
وابنى فى الشدة لو حلو
يكون عصا لأبوة
والعاصى بعمايلة عاص نفسة
وكمان عاص ابوة
الدنيا داين تدان
واللى اختشوا ماتوا
وبقينا اخر الزمن
واهى ظهرت علاماتة
الابن دلوقتى بقى ابن نسيبة وحماتة
وعشان مراتة نسى امة وكمان عصى ابوة
الصبر طيب يهون غربة المسكين
الغربة مرة بتجرح اقوى من السكين
والفرقة والظلم بأدين الغريب مسكين
البعد قاسى وبينسى حبيب لحبيب
اٍسألك يارب سبحانك سميع ومجيب
ما تخلى احبابنا ابدا عن عنينا تغيب
عينى عليك يا غريب لك رب يا مسكين
حكم الزمن وشوف الزمن
وانا اللى بتحكم راضى
وزاد وغطى الملام مكان عالم راضى
حرام عليك يا زمن زودت امراضى
انا اللى بعد الهنا والعز شلت الهم
حتى القرايب محدش للفقير يهتم
ورضيت بالهم لقيت الهم مش راضى
يا قايل الاة اة اة
هى الاه كانت
اتنين تلاتة
ولكل اه معنى
احنا ولاد الغرام والاة بتجمعنا
بنقولها فى الغربة لما البعد يوجعنا
ونقولها فى الفرقة لما الحبيب يودعنا
ونقولها فى الصبر لما الشوق يلسعنا
ونقولنا فى الليل لما البدر يسمعنا
ليست هناك تعليقات:
إرسال تعليق