عن موضوع الفول و اللحمه صرح مصدر بيه قال مسئول
إن الطب اتقدم جدن و الدكتور محسن بيقول
عن موضوع الفول و اللحمه صرح مصدر غير مسئول
إن الطب اتقدم جدن و الدكتور محسن بيقول
إن الشعب المصرى خصوصن من مصلحته يقرقش فول
حيث الفول المصرى عمومن يجعل م البنى آدم غول
و البروتين الكامن طيه نادر زيه ف أيها فول
تاكل فخده ب ربع زكيبه و الدكتور محسن مسئول
تديك طاقه و قوه غريبه تسمن جدن تبقا مهول
لحمه نباتى ولا ف الحاتى تاكل قدره تعيش مسطول
.....
ثم أضاف الدكتور محسن إن اللحمه دى سم أكيد
بتزود أوجاع المعده و تعود علا طولة الإيد
و تنيم بنى آدم أكتر و تفرقع منه المواعيد
و اللى بياكلو اللحمه عمومن هيخشو جهنم دا أكيد
.....
يا دكتور محسن يا مزقلط يا مصدر يا غير مسئول
حيث إن انتو عقول العالم و العالم محتاج لعقول
ما رأى جنابك و جنابهم فيه واحد مجنون بيقول
احنا سيبونا نموت باللحمه و انتو تعيشو و تاكلو الفول
احنا سيبونا نموت باللحمه و انتو تعيشو و تاكلو الفول
ما رأيك يا كابتن محسن مش بالذمه كلام معقول
ليست هناك تعليقات:
إرسال تعليق