لو طلعوني الجبل
لطلع أنا على راسي
لو جرشوني الحصا
لجروش أنا على ضروسي
يا صاحبي لو بعتي
خلي التمن غالي مترخصش سعري
ونادولي لدلالي
حبل الوداد انقطع مين يوصله تاني
يا ورد مين قرطفك
يا بو ريحة يا غالي
آه يا حمام بتنوح ليه
فكرت عليا الحبايب
أنا قلبي مكوي ومجروح
من يوم فراق الحبايب
يا حمام مالك بتنوح
بان عليك البكا والنوح
عايشنها حلاوة روح
نفسي أشوف الحبايب
من سهري وبياتي برا
يا حمام مالك بتشكي
وتبات الليل بتبكي دا
أنا في غربة
دا أنا قلبي مكوي صعيب
يا فراق الحبايب
سجنوني وأخدوا المفاتيح
قالوا السجان غايب
ولا طاقة تجيب الريح
أبعت سلامي للحبايب
أنا بختي كده ونصيبي كده
واللي فاكرُه حبيبي شمت فيا العدا
مدونة اخبارية تهتم بالتوثيق لثورة 25 يناير.الحقيقة.مازلت اسعى لنقلها كاملة بلا نقصان .اخطئ لكنى منحاز لها .لايعنينى سلفى ولا مسلم ولا اخوان يعنينى الانسان، 
ليست هناك تعليقات:
إرسال تعليق